Təmizlik vasitələri necə istifadə edilməlidir?

 

Təmizlik vasitələri gündəlik həyatımızda mühüm yer tutur. Ləkələri, tozu və paslı səthləri təmizləmək üçün bəzi vasitələrdən istifadə etmək lazım gəlir. Misal üçün hər hansı bir səthdə ləkə, çirk varsa və bu otağa kəskin qoxu yayırsa, onu sadəcə olaraq suyla təmizlədikdə və ya sildikdə kifayət etməyə bilir. İlk öncə səthin xüsusiyyətinə və materialına uyğun məhsul seçilməlidir. Təmizlədikdən sonra qoxu əleyhinə hazırlanmış sprey və ya digər vasitələrdən istifadə edərək otağı təravətləndirmək və havalandırmaq olar.

Təmizləyici vasitələr alarkən və istifadə edərkən bəzi məqamlara diqqət etmək lazımdır ki, düzgün istifadə qaydaları tam mənimsənilərək məhsul daha peşəkar şəkildə istifadə olunsun. Həm nüfuz edəcəyi səth, həm də istifadə qaydaları ilə tanış olmaqla məhsuldan alacağımız effekt faizini də yüksəltmiş oluruq.

 

Təmizlik vasitəsi istifadə edərkən diqqət ediləsi məqamlar:

 

·         Etiketi oxuyun

 

      1.  Məhsuldan istifadə edərkən otağı havalandırmaq lazımdırmı?

      2.  Maska, əlcək və ya eynək kimi qoruyucu vasitələrdən istifadə etmək vacibdirmi?

      3.  Necə düzgün istifadə etmək olar?

 

·         Tərkib hissəsini dəqiq araşdırın

 

Ən yaxşı seçim hər istiqamət üzrə yalnız bir vasitədən istifadə etməkdir. Çünki tərkib hissələri qarışan məhsulların sizə hansı dərəcədə təsir edəcəyini bilmək olmaz. İstifadə etdiyimiz bir çox təmizlik vasitələrinin tərkibində ammonyak mövcuddur:

 

1.      Pəncərə təmizləyiciləri

2.      Mebel təmizləyiciləri

3.      Hamam təmizləyiciləri

 

Nəticə olaraq heç bir ağardıcı və ya ağardıcı tərkibli məhsulu tərkibində ammonyak olan hər hansı bir təmizləyici vasitə ilə qarışdırmaq olmaz.

Tərkibində ətir, qıcıqlandırıcı və tez alışan inqrediyentlər olmayan və ya daha az miqdarda olan məhsulları seçməyiniz tövsiyə olunur.  Bu zaman mütləqdir ki, təmizlikdən sonra otaq və ya ərazi tam şəkildə havalandırılsın. Tamamilə qapalı və kiçik bir otaqda bu tərkibli məhsullardan istifadə etməyin.

Məhsullar tərkib hissəsinə görə bəzi hallarda allergik reaksiyalara da səbəb olub, dərini və gözləri qıcıqlandıra bilər. Adi görünsə də qab yuyucu vasitələr, soba təmizləyiciləri də düzgün istifadə edilmədikdə sağlamlığınıza ciddi zərər verə bilər. Təbiidir ki, gündəlik istifadə etdiyimiz hər bir əşyada, avadanlıqlarda təmizliyə diqqət edir və bu mövzuya həssaslıqla yanaşırıq. Eyni həssaslığı məhsul seçimi edərkən də ön planda saxlamalı və istifadəmizə yararlı olacaq məhsullarla maraqlanmalıyıq.

İndi isə gəlin məhsulları ayrı-ayrılıqda baxaq:

 

 

ü  Xlor

 

Xlor kəskin tərkibli maddədir. Kimyəvi ağarma prosesi də məhz elə xlor tərkibli maddələrin sayəsində baş verir. Bəzi ciddi və inadkar ləkələr vardır ki, onların öhdəsindən sadəcə xlorla gəlmək olar. Ondan geyimlər üçün istifadə edərkən diqqət edəcəyiniz məqamlardan biri də onun sadəcə bəyaz paltarlara effektiv təsir göstərəcəyidir. Əks halda rəngli geyimlərinizi tamamilə korlaya bilərsiniz.

 

 

ü  Sprey başlıqlı məhsullar

 

Sprey başlıqlı məhsullardan istifadə edərkən xüsusilə diqqətli olmaq lazımdır. Misal olaraq şüşə təmizləyicisini püskürtdüyünüz zaman yaxın məsafədən izləməyiniz məhsulun gözlərinizlə təmas riskini daha da artırır. Bu zaman gözlərinizdə göynəmə, qızartı və ya digər allergik reaksiyalar yarana bilər.

Şüşə təmizləyiciləri vasitəsilə pəncərədə yağışdan sonra yaranan izləri, toz və ya digər ləkələri asanlıqla təmizləyə bilərsiniz.

 

 

ü  Ovma və əlavə təsir tələb edən məhsullar

 

Çirk, ərp və ya kirin daha yaxşı təmizlənməsi üçün məhsul həmin hissəylə reaksiyaya keçməlidir və bu səbəbdən məhsulu səthə tətbiq etdikdən sonra bir qədər gözləmək lazımdır. Ovma prosesinə başlamadan öncə istifadə qaydalarına əsasən tələb olunan bütün göstərişlərə riayət edilməli, əlcək, maska və ya eynək taxılmalıdır. Bəzi hallarda isə məhsul üçün uyğun olan fırça və ya digər vasitələr də yerinə görə istifadə edilməlidir. Bu sizin dərinizə, gözlərinizə və ya qoxu etibarilə ilə səhhətinizə əks təsir göstərə biləcək ehtimalları minimuma endirir.

 

SilSil və ya İon brendinə məxsus təmizlik vasitələrini seçim siyahınızda üst sıraya yerləşdirməklə hər səthin xüsusiyyətlərinə və materialına uyğun tərkibləri sayəsində istədiyiniz effekti qısa zamanda əldə edə bilərsiniz.

Hər bir məhsulun tərkib hissəsi və istifadə qaydaları üzərində qeyd olunmuşdur.

Sağlamlığınız üçün təhlükə təşkil edən mikrob və bakteriyalardan azad olmaq istəyirsinizsə, ətrafınızın təmizliyinə diqqətli yanaşmalısınız. Bu səbəblə istehsal olunmuş hər bir məhsul yerində və şərtlərə uyğun şəkildə istifadə edilməlidir.