Ofis ləvazimatları seçərkən diqqət ediləcək əsas məqamlar

Ofis ləvazimatları müxtəlif müəssisələr tərəfindən müntəzəm şəkildə istifadə olunan bir sıra materiallardır. Hansı ki bu ləvazimatlar vasitəsilə gün ərzində müxtəlif tapşırıqların öhdəsindən gəlir və özümüz üçün əlverişli şərait yaradırıq. Ofis ləvazimatları əsas və köməkçi kateqoriyalara ayrılsa da, ofis və müəssisələrin iş prinsipinə əsasən bu sıralamada müəyyən dəyişikliklər ola bilər. Fəaliyyət göstərdiyiniz sahəyə əsasən hər hansı bir ofis ləvazimatı digərləri üçün vacib əhəmiyyət daşısa da, sizin üçün ikinci planda və ya ümumiyyətlə lazım olmaya bilər. Belə hallarda alacağınız ofis ləvazimatlarını ətraflı şəkildə araşdırıb hansının necə və nə dərəcədə sizə yardımçı ola biləcəyini dəqiqləşdirə bilərsiniz.

Ofis ləvazimatları kateqoriyasına bunlar daxildir:

ü  Kağız

Bildiyimiz kimi kağız gündəlik iş həyatında ən çox istifadə olunan vasitələrdən biridir. Qeydlərin aparılması, məlumatların çap edilməsi, sənədlərin hazırlanması və s. kimi işlərdə ehtiyac duyulur. Əgər çap edilən sənədlərin və ya digər məlumatların keyfiyyəti sizin üçün vacib amildirsə, bu zaman seçdiyiniz kağız da çapa yararlı, keyfiyyətli və uyğun ölçüdə olmalıdır.

Misal üçün qeyd edə bilərik ki, hər hansı bir tədbir sonunda işçiləri təşəkkürnamə və ya sertifikatla təltif edəcəksinizsə, çap edildikləri kağız 80 qramdan daha qalın olmalıdır. Beləliklə siz həm keyfiyyət, həm də görünüş baxımından daha üstün bir nəticə əldə edəcəksiniz.

ü  Stepler, Dəlgec

Stepler və Dəlgec hər hansı sənədlərin, kağızların bir araya toplanması üçün istifadə etdiyimiz ən yaxşı vasitələrdən biridir. Stepler istifadəsində mühüm məqamlardan biri də düzgün içliyi və maksimum tikə biləcəyi səhifə sayını istifadəmizə uyğun müəyyənləşdirməkdir.  Orta ölçülü bir stepler ilə 20-25 səhifəlik məlumatı tikə bilərik. Hər bir məhsulun üzərində quruluşuna uyğun simlərin nömrəsi qeyd olunur. Üzərində sim nömrəsi 24/6 yazılan steplerdə 10 № simdən istifadə etmək düzgün deyil. Dəlgeclər də müxtəlif tipli olur. Eynilə steplerdə olduğu kimi dəlgec seçimi zamanı da səhifə sayına diqqət yetirmək lazımdır. Maksimum 100 səhifədə faydalı olan bir məhsulu 150-200 səhifəlik məlumatlar üçün istifadə etsəniz istədiyiniz nəticə əldə etmək mümkün olmayacaq.

ü  Sənəd rəfi

Masa üzərində istifadəsi tək-tək nəzərdə tutulan fayllar da vardır ki, artıq onları stepler və ya dəlgec vasitəsilə bir araya gətirmək əlverişsiz sayılır. Belə hallarda sənəd rəfi yenidən masa üzərindəki səliqəni və professional görünüşü geri qaytarmağa kömək edir. Plastik, taxta (əl işi) və ya dəmirdən hazırlanan sənəd rəfləri mövcuddur. Ofis şəraitinə, keyfiyyətinə və ya zövqünüzə əsasən seçim şansı tamamilə sizə məxsusdur. Eyni materialında olduğu kimi mərtəbə sayında da işinizə yarayacaq məhsulu seçmək daha məqsədəuyğun olacaqdır.

ü  Qovluqlar

1. Arxiv qovluğu. Müxtəlif sənədləri fayllar yerləşdirərək saxlaya bilərsiniz. Kənarında ayrılan xüsusi hissəyə isə içərisində olan sənədləri ayırd etməniz üçün ad və ya məlumat yazıla bilər.

2. Fayllı qovluqlar. Müxtəlif sayda fayl tərkibi olduğu üçün əlavə fayl daxil etmənizə ehtiyac yoxdur. Arxiv qovluqda olduğu kimi kənar hissəsində ad qeyd edə biləcəyiniz modelləri mövcuddur.

3. Sadə şəffaf qovluqlar. Ofisdə və ya evdə lazımlı fayllarınızı yanınızda daşımaq üçün də istifadə edə bilərsiniz. Yığcam və sadə quruluşu sayəsində daşınması olduqca rahatdır.

ü  Qayçı və ya ofis bıçağı

Seçim zamanı itiliyinə və ölçüsünə diqqət etmək lazımdır. Gövdəsinin hazırlandığı material da sizin üçün müəyyən qədər önəm daşımalıdır ki, istifadə edərkən əlinizi zədələməsin. Ağzı küt və ya daha çox məktəbli üçün uyğun olan qayçılar seçməyin.

ü  Lövhə və markerlər

Lövhə seçimi edərkən ölçüsünü otağa və şəxsi kriteriyalarınıza uyğun təyin etməlisiniz. 100*200 ölçülü lövhə kiçik ofis otağı üçün uyğun olmayacaqdır.

Digər tərəfdən “Permament” başlığı ilə ayrılan markerlər lövhə üzərində yazmaq üçün uyğun deyil. Bu tip markerlər mürəkkəbinə və başlıqlarına əsasən karton, dəmir, şüşə və s. üzərində yazmaq üçün təyinatlıdır.

Bütün bunlardan əlavə skoç, skripka, masaüstü dəstlər, pozan, qələm, textmarkerlər, xətkeş, qeyd kağızları, rəngli yapışqanlı not kağızları və s. kimi ləvazimatlar da ofis şəraitində işlərimizi olduqca asanlaşdırır.

Nəticə olaraq onu qeyd edə bilərik ki, məhsul seçimi edərkən əsas diqqət edəcəyiniz məqam onun keyfiyyəti və sizə yararlılıq dərəcəsi olmalıdır. Uzun müddətli istifadə üçün seçim etdiyiniz məhsullarla yanaşı aldığınız marka və ya yerlərin etibarlılığı da böyük əhəmiyyət daşıyır.

Buna görə də Ofisait hər zaman sizin üçün ən yaxşısını düşünür.

Saytın ofisləvazimatları bölməsinə keçid edərək istifadənizə və büdcənizə uyğun çoxlu sayda çeşidlərlə tanış ola bilərsiniz.