Günün mövzusu: Tozsoranlar hansı üstünlüklərə malikdir və seçim edərkən hansı funksiyalara diqqət edilməlidir?

Tozsoran gündəlik həyatımızda ən çox istifadə olunan məişət texnikalarından biridir. Tozsoran vasitəsilə müəyyən yerlərin - xalça, divan, kreslo, taxta və s. üzərində yığılmış toz və xırda hissəciklər asanlıqla təmizlənir. Çıxarılan toz hissəcikləri və digər materiallar tozsoranın içərisində yerləşən toz torbasına və ya siklona yığılır.

Tozsoran hansı hissələrdən ibarətdir?

Elektrikli təmizləyicinin 6 əsas hissəsi mövcuddur. Bura aiddir:

1.  Təkərlər – tozsoranın hərəkət etməsini və istifadəsini asanlaşdırır.

2.  Toz toplayıcı boru – sıx aralıqları təmizləmək üçün yığcam ölçüyə malikdir.

3.  Korpus – motor, fan və digər vacib komponentləri öz üzərində birləşdirən hissədir.

4.  Power Switch – tozsoranın işlək vəziyyətə gətirilməsi və söndürülməsi üçün istifadə olunan əsas düymədir.

5.  Başlıqlar – səthlərin materialına və genişliyinə əsasən istifadə edilən müxtəlif ölçülü, toz toplayıcı komponentlərdəndir.

6.  Tutacaq – tozsoranı təmizlənəcək sahəyə doğru düzgün şəkildə yönləndirir, aşağı hissəsinə isə istifadə ediləcək uyğun başlıqlar quraşdırılır.

 

 

 

 

Bəs sizcə tozsoran seçərkən nəyə diqqət edilməlidir?

Effektiv təmizlik üçün tozsoran seçimi edərkən bir sıra funksiyalara fokuslanmaq və düzgün seçim etmək lazımdır. Tozsoran səthləri dərindən təmizləyən və dar aralıqlara çata biləcək quruluşda formalaşdırılmış olmalıdır.

Diqqət etməli olduğunuz məqamlar:

1.  Güc: Dərin təmizlik üçün tozsoranın sorma və çəkmə funksiyasına sərf olunan enerji olduqca güclü olmalıdır.

2.  Ölçü: İstifadə edəcəyiniz məkana uyğun olaraq tozsoranın ölçüsünü düzgün təyin etməlisiniz. Toz torbasının sizin üçün ideal ölçüdə olması və təmizləyicinin məkanı təmizləmək üçün uyğun gücdə olması vacibdir.

3.  Filtr və təmizləmə növü: Toz torbalı, siklon filtr texnologiyasından istifadə edən və ya su vasitəsilə təmizləyən yuyucu tozsoranlar seçimləriniz siyahısında yer ala bilər.

4.  Model: Tozsoranı növünə və modelinə görə səciyyələndirib sizə daha uyğun olanı təyin etməlisiniz. Klassik, standart tozsoranlar və ya əl tozsoranları quruluşuna görə müxtəlifdirlər.

 

Tozsoranların üstünlükləri nədir?

Sağlamlığımız üçün daim təmiz mühitdə yaşamalı, həyat fəaliyyətlərimizin əsas hissəsini keçirdiyimiz yerləri tozdan və lazımsız materiallardan təmizləməliyik. Nəfəs aldığımız zaman toz və toz hissəcikləri qəbul etdiyimiz havanı çirkləndirir. Tozsoranlar vasitəsilə əyləşdiyimiz divan, kreslo və ya üzərində gəzdiyimiz döşəmələr asanlıqla tozdan təmizlənir.

Tozsoranın bir sıra üstünlükləri mövcuddur:

ü Tənəffüs problemlərini azaldır: otaqda mövcud olan toz və toz hissəcikləri, ev heyvanlarının tükləri və s. kimi allergiya və ya digər tənəffüs problemlərinə səbəb ola biləcək amilləri aradan qaldırır.

ü Vaxta qənaət: digər vasitələrlə uzun müddət tələb edən təmizlik prosesini tozsoranlar vasitəsilə qısa zaman ərzində yekunlaşdıra bilərsiniz.

ü Çoxyönlü istifadə: dəyişə bilən başlıqları sayəsində dar və sıx aralıqları, döşəmələri asanlıqla təmizləmək mümkündür.

ü Filtr: yığılan toz və digər hissəciklərin havaya qarışmasının qarşısını alır.

Beləliklə tozsoranların təmizlik prosesində hansı üstünlüklərə və funksiyalara sahib olduğunu aydınlaşdırdıq. Daha effektiv, sürətli və dərin təmizlik üçün bu növ elektrikli təmizləyicilərin seçilməsi məqsədəuyğundur.

Müxtəlif növdə və quruluşda, zövqünüzə uyğun tozsoran modelləri tapmaq bir çox hallarda çətinlik yarada bilər. Artıq saysız axtarışlar etməyinizə ehtiyac yoxdur. Tələblərinizə uyğun modellərlə tanış olmaq üçün sadəcə ofisait.az saytına daxil olmağınız kifayətdir. Büdcənizə və sağlamlığınıza xidmət edən bir çox məhsullar haqqında buradan məlumat ala bilərsiniz.

Növbəti blogumuzda görüşmək ümidilə...