Rəssamlıq ləvazimatları nədir?
Ətrafımızda mövcud olan əşyaları,
təbiəti, insanları və s. digər bütün konkret varlıqları öz duyğu və düşüncələrimizə
əsasən müxtəlif boyalarla ifadə edə bilərik. Bu rəsmlərin çəkilməsində və canlandırılmasında
istifadə olunan ləvazimatlara da rəssamlıq ləvazimatları deyilir. Heyranlıq və
zövqlə baxdığımız bir çox sənət əsərləri də rəssamın yaradıcılığı və ləvazimatlardan
peşəkar istifadəsi ilə ərsəyə gəlmişdir.
Rəssamlıq ləvazimatlarına nələr daxildir?
Yaradıcılığa və ya həvəskar rəssamlığa
başlamazdan öncə düzgün ləvazimatlar seçilməlidir. İstifadə edəcəyiniz üsluba əsasən
onlar da fərqlilik təşkil edə bilər.
Əsas rəssamlıq ləvazimatlarına
aiddir:
Eskiz dəftərləri
İlkin başlanğıc
üçün yeni bir ideya yaratmaqda eskizlər və ya cızma-qara rəsmlər sizə olduqca
böyük köməklik göstərəcək. Əsas fikri real rəsm səthində təsvir etməzdən əvvəl
eskiz dəftərlərində çəkmək bir çox baxımdan sizə faydalıdır.
Rəsm səthləri
Eskizləri çəkdikdən
sonra rəsminiz artıq real səthə köçürülməyə hazırdır. Əgər akril boya ilə rəsm
çəkməyi üstün tutursunuzsa, akril kağızı və ya kətan seçə bilərsiniz
Palitra
İstifadə etdiyiniz
boyadan asılı olmayaraq, mütləq palitraya ehtiyacınız olacaq. Çünki bəzi rəngləri
almaq üçün digər rənglərin yardımı sizin üçün əvəzsizdir. Palitra bıçağı vasitəsilə
boyaları palitra üzərində qarışdıraraq müvafiq rəngləri rahatlıqla əldə edə bilərsiniz.
Eyni zamanda palitra bıçağı vasitəsilə kətan üzərindən qurumamış boyanı təmizləyə
bilərsiniz.
Molbert
Rəssamlıq ləvazimatları
içərisində ən çox lazım olan vasitələrdən biri də molbertdir. Əgər rəsm çəkmək
üçün geniş yeriniz varsa, bu zaman böyük ölçülü molbertlərdən istifadə edərək sənətdən
daha da zövq ala bilərsiniz. Molbertlərin masa üzərində və ya rəsm bitdikdən
sonra dekor kimi istifadə ediləcək kiçik ölçüləri də mövcuddur.
Fırçalar
İstifadə edəcəyiniz
boyadan, akril və ya akvareldən asılı olaraq müxtəlif növ fırçalardan seçim edə
bilərsiniz.
Fırçaların
uzunömürlü istifadəsi üçün müntəzəm olaraq təmizlənməli, üzərində boya
qalıqları qalmamalıdır.
Boyalar
Fırçalar kimi
boyaların da bir sıra fərqli növləri mövcuddur. İstifadə ediləcəyi səthlərə əsasən
təyin edəcəyiniz boya çeşidləri bunlardır:
1. Akrilik boya – Tez quruyur, yuyulmur və su əsaslı boyadır. Digərləri ilə müqayisədə daha az qoxuya sahibdir.
2. Yağlı boya – Parlaq quruluşludur, su əsaslı deyil, lakin su ilə qarışdırılaraq istifadə edilə bilər. Uzunmüddətli örtüyə malikdir.
3. Akvarel boya – incə piqmentli rənglər əmələ gətirən şəffaf sulu boyadır.
4. Quaş boya – Quaş akvarel boyadan qeyri-şəffaflığına görə fərqlənir. Sıx və örtücüdür.
Rəssamlıq ləvazimatları necə seçilməlidir?
Digər vasitələrdə olduğu kimi
rəssamlıq ləvazimatları seçərkən də diqqət edəcəyimiz ən vacib məqam keyfiyyətin
yüksək səviyyədə olmasıdır. Keyfiyyətsiz və tərkibində həddindən çox toksik
maddələr olan boyalar bir zaman sonra qoxusu və ya tərkibinə görə sizə mənfi təsir
göstərə bilər. Unutmayın ki rəsmlərinizin keyfiyyəti sizin istedadınız və
kreativliyinizlə yanaşı, istifadə etdiyiniz rəssamlıq ləvazimatlarının keyfiyyəti
və xüsusiyyətindən də asılıdır.
Rəssamlıq ləvazimatları sifarişində çatdırılma xidməti
Müxtəlif növ rəssamlıq ləvazimatları
ilə ofisait.az saytına daxil olaraq və ya sizə uyğun filiallarımızdan birinə
yaxınlaşaraq tanış ola bilərsiniz. 30 azn və üzəri sifarişlərdə çatdırılma ödənişsizdir.