1. MÜQAVİLƏNİN PREDMETİ
1.1.
Bu
Müqavilənin şərtlərinə əsasən Satıcı hazırkı Müqavilənin ayrılmaz tərkib hissəsi hesab edilən Qiymətlərin
razılaşdırma protokollarında göstərilən (bundan
sonra – Protokol) malları (bundan
sonra – Mallar) razılaşdırılmış miqdarda, müddətdə və qiymətlə istifadə
məqsədləri üçün yararlı halda Alıcıya satmağı, Alıcı isə həmin Malları
çatdırıldıqdan sonra təhvil alıb dəyərini müvafiq Protokolda müəyyən edilmiş
məbləğdə və şərtlərlə Satıcıya ödəməyi öhdəsinə götürür.
2. MALLARIN
ÇATDIRILMASI VƏ TƏHVİL VERİLMƏSİ
2.2.
Malların
Alıcıya çatdırılması Satıcı tərəfindən həmin Malların öz hesabına nəql edilməsi
yolu ilə həyata keçiriləcək.
2.3.
Qarşılıqlı
razılaşma ilə Satıcı hazırki müqavilə müddəti ərzində malları bir və ya bir
neçə partiya ilə təhvil verəcək.
2.4.
Satıcı
Malların Alıcıya təhvil verilməsini Tərəflər arasında müvafiq qaydada
imzalanacaq Təhvil-Təslim Aktı (Qaimə-Faktura) əsasında həyata keçirəcək.
Malların təhvil verilməsi məqsədilə aparılan yoxlamalar zamanı aşkar edilmiş
xırda və aradan qaldırılması mümkün olan Malların keyfiyyətindəki qüsur və
çatışmazlıqlar Tərəflər arasındaTəhvil-Təslim Aktının imzalanmasına təsir
göstərməyəcək.
2.5.
Qüsurun
Satıcının təqsiri ucbatından əmələ gəldiyi təsiqlənərsə, o, malları Alıcının
tələbinə əsasən yenisi ilə əvəz etməyi və yaxud dəymiş ziyanı ödəməyi öhdəsinə
götürür.
2.6.
Malların Təhvil-Təslim Aktı imzalandığı andan Malların
təsadüfən və ya qəsdən məhv olması və ya zədələnməsi riski Alıcıya keçir.
3. QİYMƏT VƏ
HESABLAŞMA QAYDASI
3.1.
Bu
müqavilə üzrə malların ümumi dəyəri Protokol ilə müəyyən edilir.
3.2.
Satılan
malların qiymətində, sayında və konfiqurasiyasında dəyişiklik yalnız Tərəflər
arasında qarşılıqlı razılaşma əsasında ola bilər.
3.3.
Bu
Müqaviləyə əsasən ödənişlər Azərbaycan manatı ilə həyata keçiriləcək. Xarici
valyutada göstərilmiş qiymətlər müvafiq hesab-faktura üzrə ödənişin həyata
keçiriləcəyi tarixdə Azərbaycan Respublikasının Mərkəzi Bankının həmin tarix
üçün müəyyən etdiyi rəsmi məzənnəyə uyğun olaraq Azərbaycan manatı ilə
hesablanacaq.
3.4.
Hazırki
müqavilə ilə hesablaşma nağd və ya nağdsız qaydada həyata keçirilir.
3.5.
Alıcı
malları təhvil aldıqdan sonra onların dəyərini 10 (on) iş günü ərzində Satıcıya
ödəməyi öhdəsinə götürür.
3.6.
Təchiz
olunmuş mallarla aparılmış ödənişlər arasında uyğunluğun yoxlanılması məqsədilə
Tərəflərin hər birinin tələbi ilə qarşılıqlı hesablaşmaların tutuşdurulması
Aktı tərtib oluna bilər.
4. TƏRƏFLƏRİN
HÜQUQ VƏ ÖHDƏLİKLƏRİ
4.1.
Satıcının öhdəlikləri
aşağıdakılardır:
4.1.1.
Alıcıya
keyfiyyətli və istismara yararlı Malları satmaq;
4.1.2.
Alıcıya
üçüncü şəxslərin hüquqlarından azad Mallar təqdim etmək;
4.1.3.
Alıcının
sifarişi ilə Malların Alıcıya müvafiq qaydada təhvil verilməsini təmin etmək;
4.1.4. Malların çatdırılması zamanı onların
məhv olması, habelə onların miqdarı, çeşidi və keyfiyyətində Alıcı ilə
əvvəlcədən razılaşdırılmamış çatışmazlıqlar aşkar olunduqda, Malların mütənasib
olaraq qiymətinin azaldılmasını və ya həmin Malların yeniləri ilə əvəz
olunmasını təmin etmək;
4.1.5. Malları Alıcıya onların adi şəraitdə
salamatlığını təmin edən müvafiq tara və/və ya qablaşdırmada təchiz etmək.
4.1.6. Müqavilədən irəli gələn və öz
üzərinə düşən digər öhdəlikləri təmin etmək.
4.2.
Satıcının hüquqları aşağıdakılardır:
4.2.1.
Müqavilə
ilə müəyyən edilmiş qaydada və müddətdə ödənişlərin həyata keçirilməsini
Alıcıdan tələb etmək;
4.2.2.
Alıcı Müqavilə ilə müəyyən edilmiş
öhdəliklərini icra etmədikdə və ya lazımınca icra etmədikdə Müqavilənin
icrasından azı 1 (bir) ay əvvəlcədən yazılı şəkildə xəbərdar etməklə birtərəfli
qaydada imtina etmək;
4.2.3.
Müqavilə
və Azərbaycan Respublikasının qanunvericiliyi ilə müəyyən edilmiş digər
hüquqlara malik olmaq.
4.3.
Alıcının öhdəlikləri
aşağıdakılardır:
4.3.1.
Hazırkı
Müqavilənin şərtlərinə uyğun təhciz olunmuş Malları qəbul etmək və həmin
Malların dəyərini Müqavilə ilə müəyyən olunmuş qaydada Satıcıya ödəmək;
4.3.2.
Hazırkı
Müqaviləyə əsasən təchiz olunan Malların miqdarı, çeşidi, keyfiyyəti və digər
şərtlərinin Satıcı tərəfindən pozulması halları barədə Satıcını 5 təqvim günü
ərzində məlumatlandırmaq;
4.3.3.
Müqavilədən
irəli gələn və öz üzərinə düşən digər öhdəlikləri təmin etmək.
4.4.
Alıcının hüquqları aşağıdakılardır:
4.4.1.
Malların
Tərəflər arasında razılaşdırılmış standartlara, formaya və keyfiyyətə uyğun
olmasını tələb etmək;
4.4.2.
Satıcı
Alıcıya üçüncü şəxslərin hüquqlarından azad Malları təchiz etmək vəzifəsini
icra etmədikdə Malların mütənasib olaraq qiymətinin azaldılmasını və ya Satıcı
tərəfindən Malların dəyəri geri qaytarılmaqla bu Müqavilənin ləğv olunmasını
tələb etmək;
4.4.3. Müqavilə və Azərbaycan Respublikasının qanunvericiliyi ilə müəyyən edilmiş digər hüquqlara malik olmaq.